Best-Mobiles-For-PUBG-In-Pakistan
Gaming

7 Best Mobiles for PUBG in Pakistan

Is post me aj main kuch Best Mobiles for PUBG in Pakistan list karnay ja raha hon. Matlab jo jo best mobiles hain jispar ap asani se PUBG khail saktay hain bina kisi hang ya lag issue k, ta k ap experience ko enjoy kar sakain, na k bas sir pakar kar beth jaen k ye kya, menay to ye mobile par bekar me pesay barbad kardiye, ispar to PUBG chalti hi nai sahi se, bar bar mobile heat up hota ya phir lag karta.

Wesay aik personal bat kehna chahta hon…

Pata nai ispar kesa response milega, lekin ye post me isliye likh raha k dekh sakon k mujhay Pakistani audience par focus karna chahiye ya International audience par. Q k agar to ispar acha response mila, to phir to me yaqeenan Pakistani audience par focus karonga or is blog ko Pakistani logon k liye dedicate kardonga, otherwise, majbooran mujhay English me likhna parega or Interntaional, khas tor par USA ki audience par dhyan dena hoga.

Wesay bhi mera about page agar ap dekhen to wo English me tha, q k me start hi USA k logon se lenay laga tha, phir me kuch time bad socha k Pakistani logon k liye kuch likh kar dekhon kesa response ata, bas phir me ye post ab likh raha hon. Agar apko lagta hai k is blog ko bas Pakistani logon par focus karna chahiye to mujhay ap Facebook par message kar saktay hain ya tag kar saktay hain apni post me ye batanay k liye k apko ye post mil gai hai or apko achi lagi or mujhay or posts karni chahiye esi.

To chalain bina zyada time lagaye ab chaltay hain mobiles ki taraf, or dekhtay hain k wo mobiles menay kyun select kiye is post me dalnay k liye, or unme kya kya khas hai jo unko best mobile banata hai PUBG k liye Pakistani logon k liye.

Meri recommendation par apko q bharosa karna chahiye?

Sab se pehlay menay socha k apko ye batana zaruri hai, k me kon hota hon jo apko bataon konsa mobile best hai apkay liye PUBG k liye 😅

Asal me bat ye hai, k apka khadim kafi salon se is field me hai. Me bohat se mobiles liye hain or bohat se laptops k baray me bhi mera knowledge hai, isliye agar apko laptops k baray me bhi is blog par posts dekhni hain to bata dena, warna ye blog hai to asal me mobiles k liye dedicated, jesa k blog k name me likha hua hai, Budget Androids, jiska matlab hai k esay android mobiles jo apki jaib khali karen bhi to itni na karen k ap sarak par a jaen.

Kam se kam peson me apko achay se acha mobile mil jae, is k liye hai ye blog, or ye post jo abi likh raha hon iska bhi same maqsad hai, kam se kam peson me apko achay se acha powerful mobile mil jae jisme ap PUBG aram se khail sakaon bina lag k, lekin isme me Camera wagera par focus nai karonga, na hi battery life par focus karonga, me bas mobile kitna powerful hai ispar focus karonga ta k ap ka main kam PUBG khelna ispar ho sakay asani se.

Chalain ab mera taruf khatam, apko mobiles dikhata hon achay achay jo kam peson me ap le saktay hain or mazay kar saktay hain.

Best Mobiles for PUBG in Pakistan

Is post me jo jo main mobiles list karonga, me unki price par khas focus nai karonga, q k is post ka name hai k best mobiles for pubg in pakistan, jiska matlab hai jo waqai me best mobiles hain woi list karo, na k best mobiles for pubg under 20,000 ya koi budget limit k sath list karo.

Lekin wo alag bat hai k me phir bhi koshih karonga k saray k saray budget k mobiles apni apni category me ghusa don, isi same article me, ta k itnay saray article na likhnay paren mujhay, aik me hi sab ka kam tamam hojae 😉

Wesay agar apko mera likhnay ka style pasand aye ya na pasand aye wo bhi bataiye ga comments me, apkay liye me comments khol donga, warna aam tor par me apnay saray blogs or websites par comments off kardeta hon, ta k log akar gaali dekar na chalay jaen, warna doosray log samjhain gay k ye ullu hai, isko kuch nai pata isliye log gaaliyan detay 😛 Jab k log to acchay bandon ko bhi gaaliyan detay hain, ab acha banda ullu thori hota.

Best Mobiles for PUBG in Pakistan Under 50,000

Is category me main kuch mobiles list karonga jo mujhay nazar aye k 50,000 rupees k andar hain, or jo ap PUBG k liye istemal kar saktay hain or apko koi lag wagera face karna nai parega. Agar apko phir bhi lag aye in mobiles me PUBG k andar, to phir apka internet issue hoga or koi nai. Lekin ap internet bhi agar Fiber use kar rahay hain or ap mobile bhi in 50,000 rupees me se koi use kar rahay hain, to phir to apko meray se apnay mobile k pesay wasool karnay chahiye 😅

#1 Pocophone F1

50,000 k budget me pehlay number par menay Pocophone F1 ko rakha hai. Iski price menay check ki WhatMobile par 51,000 k as pas thi, lekin I’m sure k apko discount par mil jaega kaheen se jab ap khareednay niklain gay. Warna used me to is se bhi low price me mil jaega.

Me bhi Pocophone F1 used me lia tha jab ye new new aya tha Pakistan me. Q k stock tab bohat limited tha or jab bhi ata tha bik jata tha, iski prices bohat high hogai thi original price se. 10,000 zyada price lekar sale kar rahay thay salay shops walay 😅 Me phir apnay aik friend ko kaha k local kisi shop se pata karo, usne kiya or phir ye mobile mujhay kuch din used me mila 53,000 rupees me.

No photo description available.

Ye rahi iski receipt. Socha ye bhi laga deta hon warna ap bolain gay ewain bongiyan mar raha, shakal nai iski pocophone wali 🙄

Pocophone F1 menay bohat mand k use kiya hai, kabi iski performance se na-khush nai hua me. Or ho bhi kyun esa, q k isme Snapdragon 845 processor hai or 128GB storage hai or 6GB RAM hai, yehi main cheezain hoti jo me dekhta, agar koi mobile lena ho mujhay performance k liye kam se kam price me, baqi kuch na me use karta, na meray liye matter karta.

Q k selfies wagera me leta nai isliye camera bhi khas matter nai karta. Lekin iska camera bhi acha hai isliye ye bonus milgya mujhay 😋 Baqi ispar menay Fortnite or PUBG bhi kheli hai, ye raha aik status jo menay ispar PUBG khelany k bad lagaya tha.

Ye jisko menay tag kia hai, Usama Ahmed, ye wo banda hai jis se menay mobile mangwaya tha 😛 Is se mera shugal chalta rehta hai kafi, Facebook par ho ya WhatsApp par.

Wesay iskay bad jo bhi mobile phones hongay, or meray experience k hisab se or knowledge k hisab se menay pick kiye hongay q k mujhay andaza hojata konsa mobile kitnay qabil hai or kya kya ham kar saktay hain ispar bina lag k.

Q k apko aik cheez ap jab 4-5 dafa buy karlen to andaza hojata hai phir us cheez k baray me kafi kuch, k iska konsa model kis task k liye behtar perform karega, wagera wagera.

#2 Samsung Galaxy A51

Ye bhi aik bohat acha mobile hai Samsung ki taraf se. Iski bhi price thori si upar hai 50,000 k, lekin me isko still 50,000 budget ka hi consider karta hon. Mazrat chahta hon agar apko lagay k ye 50,000 k bahar hai, matlab k strictly esay mobiles honay chahiye thay is list me jo 50 hazar se neechay hi hon, upar 1 rupya bhi na ho.

Asal me inpar apko discount wagera mil jatay hain to apko 50k ya iskay neechay hi mil jatay hain mostly, isliye me inko list kar raha hon is budget k andar, even though k budget se bahar dikhai detay hain ye, jo budget ham ne 50k ka set kia hai initially is category k liye.

Anyways.

Iski specs dekh kar me keh sakta hon k apko koi problem nai honi chahiye ispar agar ap lagatar PUBG kheltay hain to, lekin ye hai k jab battery charge honay layq hojae phir se, to utna to rest banta hi hai har mobile ka, k at least ap charging k doran to na ispar PUG khelen 😅

Q k us time wesay hi mobile heat up ho raha hota hai, upar se ap or isko heat de rahay hain isko aik heavy task karwa kar, isliye tab ho sakta hai k ap kisi bhi mobile par lag feel karen, warna normal use me koi lag nai aega apko Insha’Allah in sab mobiles par jo bhi me is post me list kar raha hon.

#3 Redmi Note 9 Pro

Ye mobile bhi kafi logon ne recommend kia mujhay is budget me, kehtay hain mast chalta hai 😋 Or menay iski specs check ki to isko yahan list kardia is post me. Q k ispar PUBG bhi mast chalay gi.

Isme Snapdragon 720G processor hai jo k aik 8nm chip hai, or jitnay kam nm hongay, utna zyada processor fast hoga, powerful hoga or kam se kam battery choosay ga.

AMD ka processor Ryzen ka aj kal jo chal raha wo 7nm ka hai, or Intel ka 14nm, is liye hi Intel ki baji pari hai or AMD ki wah wah ho rahi hai 😉 Itna farak parta hai kam se kam nm processor honay ka.

Isme 128GB storage space hai jisme ap chahain jitni marzi mobile games install kar saktay hain. Or sath hi sath 6GB RAM bhi hai, jis se ap aik waqt me zyada se zyada applications background me open rakh saktay hain.

Ye upar ap iski price check kar saktay hain Pakistan me. Is se upar neechay bhi ho sakti hai jab ap ye post par rahay hongay, lekin filhal jab me ye likh raha hon article, to abi k liye to 44,999 hi hai WhatMobile par likhi hui.

Or agar apko iska review dekhna hai video ki shakal me, me apko VideoWaliSarkar sahab ka review suggest karonga. Balkay yahan par hi me usko add kardeta hon, idhar hi dekhlijiye.

#4 Google Pixel 2

Ye bhi aik kamal ka mobile hai Google ki taraf se. Q k ye kafi sal purana hogya hai ab, isliye ye bhi ab 50,000 k budget me mil jaega apko. Or isme Snapdragon ka 835 processor hai, jo k aik generation old hai 845 se jo k meray Pocophone F1 me hai jo menay #1 par recommend kia apko is budget me.

Iska Snapdragon 835 bhi aram se karlega handle PUBG ko, or koi bhi aj kal ki modern game ko. Google Pixel 2 ka aik to software bhi kafi kamal hoga q k isme glitches wagera nai hongay koi, issues and bugs jo normally ajatay hain jab koi 3rd party skin charhati hai company apni taraf se pure android k upar. Or sath me hardware acha hai isliye mast experience rahay ga apka to meri nazar me.

Highly recommended hai meri taraf se ap koi bhi Google ka Pixel phone len, ya Android One program me jo jo android phones atay unme se koi len, sab ka aik jesa hi experience rahay ga apka almost. Or Google Pixel phones k cameras bhi hamehsa se kamal k perform kartay chalay a rahay hain. One of the best cameras hotay hain in the market hamesha pixel phones k.

Baqi jesa menay bataya, PUBG to ispar mast chalay gi, iski koi fikar na karen 😉

#5 iPhone 6S

Halankay ye blog androids k baray me hai, lekin menay socha aik iPhone bhi feature kar hi don, q k or mujhay mobiles nai a rahay thay mind me 😋 Wesay bura to nai hai ye iPhone, kafi acha hai or PUBG bhi ispar asani se kheli ja sakti hai.

iPhones kitnay bhi puranay hojaen, wo Android se agay hi rehtay hain. Q k unki chips yani processors kafi powerful hotay hain compared to android phones, isliye wo 2-3 saal agay hotay hain android processors se, isliye ye mobile abi obsolete nai hua so isko use kar saktay hain ap abhi bhi.

Iski price 47,999 show kar raha hai WhatMobile, lekin market price kya hai iski wo mujhay koi khas andaza nai hai, apko shayad meray se zyada hoga, q k me apnay tor par to iPhone user nai hon, na hi iPhones par koi khas research hai meri, androids par hi rehta mostly, q k unpar ap customize bohat kuch kar saktay hain, unlike iPhones.

iPhone par to ap call tak record nai kar saktay 😅 Aik journalist ko menay bataya k q hai esa, k Apple ya iPhone apko call recording nai karnay detay or Android par kar saktay hain ap asani se, menay usko bataya k privacy bohat bari concern hai Apple ki.

Agar ap ab 2 banday lelen misal k tor par, dono k pas iPhones hain, dono apas me bat kar rahay, or aik unme se call record kar k doosray ko phasa de kisi maslay me, to phir burai to Apple ki hi hogi? K nai.

Dosray hath par Android par isliye hojata itna kuch, q k ye bas aik open source software hai jisko har company apnay hisab se modify kar k apnay mobile me laga sakti hai, isilye Google ka ispar khas control nai hota jab isko modify karlia jae companies ki taraf se.

Jab k iPhone ya Apple mobile bhi apna banatay hain, uskay andar chips jo lagatay wo bhi apni banai hoti unki, or jo uskay andar software ya operating system hota, wo bhi unka apna hota. Isliye kafi secure hotay hain unkay phones compared to Android phones.

Sorry itni lambi bekar bat kardi menay topic se hat kar, lekin yehi hota hai jab ap apni language me likhen kuch, bat bat par idhar udhar nikal jata banda 🤣 Q k English native language nai meri, isliye me topic par hi rehta, explore nai ho sakta kuch zyada khas, na meray se write hota hai itna English me.

Jab k ye menay 2-3 ghenton me post likhdi itni bari, koi 3,000 words k as pas. Isliye me soch raha agar to ispar acha response mila mujhay, yani Traffic ai Google se, to phir to me is blog ko hi dedicate kardonga saray ko k Pakistani logon k ilm me izafa kia jae or sara kuch roman urdu me hi share kia jae esay jesay abhi sara article likha ye.

Best Mobiles for PUBG in Pakistan Under 40,000

Chalain ab 50,000 budget k PUBG mobiles to khatam hogaye. Matlab woi milay mujhay achay achay, shayad or bhi bohat hon par itnay se time me itni hi research kar paya me to. Baqi or bhi hain bohat isliye ap jo jo find kartay jaen ya already pata ho apko unka, to kindly usko comments me batatay jaen, ho sakta hai me unko phir is article me laga don jab time mile.

Warna me na bhi laga saka to at least doosray logon ki to help ho hi jaegi apkay comment karnay se. Isliye advance me shukriya comment karnay ka 😊

#1 Xiaomi Mi A3

Xiaomi Mi A3 review: More than the sum of its parts | Android Central

Is budget k andar sab se pehlay jo meray mind me ata hai mobile, wo ye hai Xiaomi ki taraf se Mi A3. Q k is mobile ko Google k Android One program k tehat banaya gya hai, jis me budget mobiles ko bhi moqa milta hai k wo bhi Google Pixel devices ki tarha stock android ka experience aam users tak pohancha sakain jo Pixel devices par usko experience karnay ka budget nai rakhtay, isliye apko performance and kafi acha user experience dekhnay ko milega mobile par.

Ispar PUBG to mast chalay gi ye bhi pakka hai, q k processor isme latest laga hua hai aj kal ka jo modern tech se bharpoor hai.

Menay suna hai k iska camera bhi acha hai, lekin apko agar confirm karna hai or apka camera use kafi hai to YouTube par search kar lijiye ga, mera to camera me koi khas interest nai hota.

Han screen or battery life or ram or storage or processor, ye bas main cheezain hoti jo me dekhta har dafa mobile lenay se pehlay. Q k me kafi videos dekhta hon mobile par, khas tor par Islamic lectures or courses wagera, or Tafseer ki series jo jo milti hain mujhay achay wali YouTube par.

Aik achay wali ye hai, bohat gehrai se samjhatay hain ye bhai sahab, maza ajata hai or Iman taza hojata hai. Jab bhi meray se koi Tafseer mangta hai me ye usko deta hon link ab, q k me khud ye dekhta or bohat achi hai.

#2 Redmi Note 8 Pro

Redmi Note 8 Pro Review: The Mid-Range Performance Champion

Aik bhai sahab ne ye mobile recommend kia tha or apna experience bhi sath share kia, wo apko me yahan screenshot lekar dikha deta hon kya kaha unhon ne is mobile k baray me.

Me har har bat par facebook par status dalta rehta hon isliye un me se aik status par in bhai ne apna experience share kia is mobile k sath. Isliye socha me is mobile ko bhi is article me phir feature kardon or sath inka review bhi laga don ta k apko andaza ho sakay kesa hai mobile ye or ispar PUBG khail paengay ap k nai.

Or agar me sahi hon, apko andaza hogya hoga k ispar PUBG to kya, uska BAP bhi chal jaega 😂

Or meray ye likhtay likhtay hi aik or bhai ne bhi comment kar k apnay review ka izhar kardia is status par, socha wo bhi apkay sath share kardia jae.

Wesay facebook ko esay koi dhang k kam me use kia karen 😅 Q k menay dekha hai k log fake IDs bana letay hain facebook par or pata nai kya kya kartay rehtay hain. Larkiyon ko ganday ganday messages, or aksar to agay se wo larkiyan bhi larkay hi hotay hain fake IDs bana kar bethay huay.

Q k asal larki jo hogi wo kabi bhi esay ganday logon me nai jaegi jo usko phir bad me apnay private parts k pics lele kar send karen, or us se send karnay ka kahain.

Phir se off topic hogya me 😅 Mazrat. Lekin sath sath menay socha k ab article likh hi raha hon to kuch gila shikwa bhi kardon ap k sath share jo mujhay hai Pakistani logon se, q k me zyada tar ab Americans se deal karta hon har lihaz se isliye mujhay moqa nai milta itna share karnay ka apni feelings Pakistanis k baray me, bas ab mila hai to socha sab ghusa don iskay andar hi 😂

Conclusion

Agar to apka budget 50,000 hai, to iskay andar apko Pocophone F1 best mil jaega, ya phir Google Pixel 2, in dono me se koi bhi lelen mazay karengay. Or agar apka budget 40,000 k andar hai to phir isme ap lelen Redmi Note 8 Pro meray khyal se, q k iskay kafi achay reviews dekhay hain menay, or jinme 2 to meray apnay facebook friends ne dediye meray status par.

Or ainda me is article ko update karta rahonga jo jo bhi mobile mujhay miltay rahay achay walay budget me jo rehtay huay apko PUBG k mazay dilwa den 😉

One Comment

Leave a Reply

Your email address will not be published. Required fields are marked *